عايز تعرف ازاى تبقى محاسب ناجح فلازم تعرف ان الشهادات والمراحل التعليمية مهمة

عايز تعرف ازاى تبقى محاسب ناجح فلازم تعرف ان الشهادات والمراحل التعليمية مهمة ولكن كن متأكد ان لا الشهادات ولا الخلفية التعليمية هتكون السبب فى إنك بعد لما تتخرج من الكلية كمحاسب عادى مبتدئ هتخليك محاسب ناجح وتترقى وتبقى Senior أو حتى تبقى مدير.
” ديريك مارتن ” هو محاسب مرموق بإحدى الشركات العالمية وحاصل على شهادة الـ CPA مع خبرة فى مجال المحاسبة المالية تتعدى الـ 6 سنوات ، يقول “ديريك” أن هناك 3 مفاتيح أساسية لتحقيق النجاح والتفوق فى مجال المحاسبة المالية .
أولاً :
- انت تكون قادر على تطبيق اللي اتعلمته فى الدراسة داخل عملك وبالتالى لازم تتوفر فيك الثقة التامة لتطبيق مفاهيم المحاسبة المالية داخل أى وظيفة تتقدم إليها ولكن لازم تاخد بالك أن كل شركة لها طريقتها الخاصة لإتمام أعمالها ، خليك دايماً مستعد انك تتعلم حاجات جديدة وكمان اسأل نفسك بصفة مستمرة هل طبيعة العمل داخل الشركة زى ما كنت متوقع !! ولوكانت اجابة السؤال “لا” فلازم تسأل نفسك ليه !! .
تعلم أشياء جديدة
تعلم أشياء جديدة
- متسمحشى لنفسك ابداً بأن تكون عبارة عن آلة كل وظيفتها بتتمحور حول التسجيل اليومى للبيانات فى دفاتر اليومية بطريقة عمياء ولكن حاول تفهم انت ليه بتسجيل البيانات !!
لا تكون آلة كل وظيفتها تسجيل البيانات
لا تكون آلة كل وظيفتها تسجيل البيانات
- بعيداً عن المكتب والوظيفة والشركة مهم جداً أن تستثمر بعض وقتك فى تعلم أساسيات المحاسبة المالية الحديثة ، لازم تبقي على إطلاع دائم بالمستجدات فى علم المحاسبة على وجه العموم و المستجدات فى تقنيات المحاسبة الحديثة المسخدمة فى بيئة عملك على وجه الخصوص وحتى لو كنت مش بتتعامل مع التقنيات دى بصفة يومية فى مركزك الوظيفى الحالى لازم برده تتعلمها لأن انت مش عارف امتى بالظبط ممكن تحتاج انك تطبق المفاهيم والتقنيات دى ، وعلشان كده احنا بنأكد تانى وتالت على تعلم المفاهيم الأساسية للمحاسبة المالية الحديثة لأنها هتمنحك الثقة فى قدراتك واللى بالتالى هتظهر خلال شغلك .
تعلم اساسيات المحاسبة الحديثة
تعلم اساسيات المحاسبة الحديثة
ثانيا :
- التنظيم أمر حتمى ومهم ولابد منه ، يمكن تكون انت المحاسب الأذكى فى القسم لكن غلطة واحدة ناتجة عن عدم تنظيمك او إهمالك كافية إنها تخليك فى موضع مسائلة ، ونصيحة ليك دايماً نفذ المهام الروتينية ليك بدرى بس دايماً لازم تبقى حريص انك تمنح الوقت الكافى لنفسك علشان تاخد نسخة احتياطية من شغلك كل فترة ، اوعى تنسى تعمل نسخة احتياطية من دفاترك اليومية المحاسبية وأوعى تكون من نوع المحاسبين الى مش بياخدوا نسخة احتياطية من دفاترهم لمدة شهور بحجة أنهم مشغولين ، خلى ثقة الإدارة تتضاعف فيك ودا عن طريق الإلمام والاجابة الفورية للسؤالين دول ( ايه الى حصل ؟ / امتى حصل ؟ ) والى هما أكيد هيتوجهولك من قبل الإدارة .
لازم تاخد نسخة احتياطية من شغلك كل فترة
لازم تاخد نسخة احتياطية من شغلك كل فترة
- المحاسب لازم يكون منظم جداً على المستوى الشخصى قبل المستوى المهنى أو بمعنى أصح المحاسب هو الشخص الى ممكن بقدر يشتغل فى بيئة عمل هيكلية ومنظمة ، وظيفة المحاسب ممكن تكون تكرارية وبتشملها قواعد عمل صارمة كمان المحاسب هيحتاج مهارة إدارة الوقت علشان يقدر يحافظ على المواعيد النهائية لتسليم الشغل ويقدر يتعامل بسهولة مع المشاريع الصعبة والمعقدة .
فـ كونك محاسب لازم تبقى شخص منظم وأولوياته مرتبة .
لازم تبقى شخص منظم وأولوياته مرتبة
لازم تبقى شخص منظم وأولوياته مرتبة
ثالثا :
- زي كتير من المهن الأخرى فالمحاسب الناجح لما بيتعرضوا لمشكلة محاسبية بيفكروا وبيخططوا لعدة خطوات مستقبلية علشان يتجنبوا النوع دا من المشاكل فى المستقبل ، أما بالنسبة للمحاسب الضعيف فهو بالكاد بيحاول يحل المشاكل الى بتقع قدامه ولو ظهرت له مشكلة غير متوقعه مش بيقدر يحلها ودايماً بيفضل الاستستلام ، علشان كده انت محتاج تتعلم ازاى تفحص المشكلة الى بتقابلك !! وازاى تحللها وتوصل لسبب حصولها !! وازاى برده تعرض المشكلة على مديرك ومش معنى كده انك هتعرض عليه المعلومات المتوفرة عن المشكلة بس لكن كمان لازم تعرض عليه توصياتك لحل المشكلة دى ولو كان مديرك مشغول ومعندوش الوقت لعرض مشكلتك عليه فأنت لازم تحترم وقته ودا عن طريق انك تقدم المشكلة بالطريقة الى تسمح انه ياخد القرار المناسب فى الوقت المناسب
كيفية التعامل مع المشاكل المحاسبية
كيفية التعامل مع المشاكل المحاسبية
وعلى سبيل المثال تعالوا نتخيل إننا فى آخر الشهر وأثناء مراجعتى للدفاتر المحاسبية بالشركة وجدت أن فيه رصيد زيادة فى حساب معين من الحسابات البنكية للشركة والطبيعى أن ميكونشى فيه رصيد فى الحساب دا ومفروض يكون رصيد الحساب دا “زيرو” وانا مش عارف ازاى اعالج المشكلة دى !! التصرف السئ الى ممكن أعمله انى أروح لمديرى وأسأله ازاى أحل المشكلة دى ولكن التصرف الصحيح لحل المشكلة دى انى أعرف بالظبط المبلغ الى موجود فى الحساب وإيه هو بيان وتفصيل المبلغ دا ودا بيكون مكتوب فى الدفاتر المحاسبية للشركة وبعدين ابحث فى الدفاتر المحاسبية والسجلات المالية للشركة للشهور القديمة عن وضع مماثل أو مشكلة مشابهة للمشكلة دى وأشوف ازاى تم حلها وساعتها ممكن استنتج هل فعلاً الزيادة الموجودة فى الحساب البنكى صحيحة ولا ناتجة عن خطأ !! ودلوقتى بس أقدر أروح لمديرى وأعرض عليه المعلومات الى جمعتها وحصلت عليها .

Add Comment

دبلومات محاسبة, دورة, slider

الأحد، 9 نوفمبر 2014

About Admin

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

About Admin

Related Posts